期指今天結算，港股昨日虎頭蛇尾！歐洲央行或加大量寬，歐股反彈，帶動恆指高開２５１點後，即升至見全日高位後開始失去再衝上動力，整個上午主要在２２７００點爭持！午後走勢轉弱，好友無力再守穩２２７００點，唯有退至２２６７０點再爭持，下午２時，沽盤突然大幅湧現，指數迅即急轉直下，大市由市轉跌，最多曾跌４４點，低見２２４５３。之後在這個水平爭持至收市，最終恆指全日倒跌９點收市，報２２４８８點。
圖表上恆指已升穿１０月下旬形成的下降通道，指數已高於１０天，２０天及５０天線。恆指自７月初跌穿１００天線至今，尚未收復此線，現時１００天線在２２９５０，如指數升穿此線，ＭＡＣＤ亦應差不多同時間會升穿ＥＭＡ（９），發出買入訊號，所以後市去向，１００天線是否能升穿？是很有啟示性。國指則跌１９點。大市持續沉悶，成交維持偏低水平，只有６１３億。
港股成交最近低迷，啲人究竟去晒炒咩？唔通學啲［八路富豪］去晒中山買樓？
最近，屯門兆麟苑有個炒家，當然唔係胡少啦，佢叫林子峰，唔知咩緣故拆售兆麟苑停車場車位，攪到大陣仗，全屯門的地產代理門市都見到有這個消息，更大牌到要去在尖沙嘴The One商場一間酒樓進行首輪銷售，首批掟貨１００個車位，竟然吸引到為千入入場，場面虛陷。
看宣傳單張，佢話４０萬起錶，點知一望，只得兩個車位定價４９萬，乜咁都當叫４０萬起咩？睇埋其他，車位普遍都要７０至８０萬元，最貴的靚位，索價９９萬，如當月租收＄２０００計，個 Yield 只有２.４％。計下條數，真係唔平啊，咁都吸引咁多人，市場唔通錢多？
昨日，筆者去中山港口鎮某樓盤簽約及做埋公證，隔離見到個業主，見佢睇緊嗰個樓盤啲寫字樓，筆者走去問下佢幾錢啦，因為筆者想比較下自己先前入的貨抵唔抵？那位業主第一句說話，就是［梳煲冬瓜］。於是筆者唯有帶著唔咸唔淡的［煲冬瓜］同佢閒談一會，原來港口鎮嗰個寫字樓都要過萬一方，筆者心唸，最近去東區入左批寫字樓７Ｋ咪好筍？那位同志，跟住仲問我買左幾多個港口鎮嗰個樓盤？乜而家買樓要用到［幾］嗎？筆者其實都唔係好失禮，都買左兩個，點知那位同志講佢買左３０個。。。
轉眼間１１月已快過去，人民幣是否能被加入ＳＤＲ，快將揭盅。已現時牌面看，人民幣成功加入ＳＤＲ的機會很大，據一些專家估計，人民幣權重大概為１５％左右。所以大市或因這個消息可以炒一轉！當然，這個要小心這個利好消息或是市場預期之內，如果有咩差池，大市恐當壞消息炒。如果如期跑出，大市應會上衝一段。
投資者要注意的是人民幣加入ＳＤＲ象徵意義大於實際！原因是ＩＭＦ分配給會員國的ＳＤＲ總額達只有２８００億美元，大家估下人民幣初期究竟會獲得幾多額度？現時，中國的外儲規模便超過３萬億元美元，２８００美元的ＳＤＲ，其實數額相對是非常少的！
人民幣加入ＳＤＲ後，人民幣更加有公信力，人民幣將成為世界諸國的儲備資產，人民幣需求將會上升，未來５年流入人民幣的資金少則數千億，多則甚至過萬億，資金的流入有助經濟和內地金融，國債市場的發展。長遠來說，中國能加入ＳＤＲ一定很有利處，否則攪咁多外交工作為乜？
YOKI WONG
２０１５年１１月２６日＠大方向
沒有留言:
張貼留言