毫無疑問，畢菲特是股票基本面研究的登峰造極王者，也是筆者最尊敬的投資人！尤其畢菲特的投資心法，才是我們永遠學習的境界。例如周公成日講的「別人貪婪我恐懼；別人恐懼我貪婪！」
2周前即11月5日，本欄《欲練神功，必先自宮！》中寫道：
「以14天RSI為例，當某隻股票的RSI升至70時，代表該證券已被超買 (別人貪婪)，我們要做的就是要賣出該股票 (我恐懼)；相反，當某隻股票的RSI跌至30時，代表該證券已被超賣 (別人恐懼)，我們要做的就是要買入該股票 (我貪婪)！就係咁簡單。用數字把我們複雜的心理 量化！
好多時周公會配合埋保力加通道(BOL)操作，就以近日華潤燃氣(01193.HK)的實戰做個示範！10月26日華潤燃氣股價位於保力加通道頂部，RSI(14)接近70，果斷減持($23.25)，就算之後再升也是別人的風險錢；之後就是等待和忍耐，到了昨日，股價已回到保力加通道底部，RSI(14)近40左右買入($20.5)！唔係話等RSI(14)落30先買嚒？因為宜家市底好，可能去唔到呢？不等了先入一注，後後周公仲有幾注排緊隊呢！周公所有呢啲操作一早Set定，全部到價自動執行，真係瞓住贏錢。
又係個句「周公唔會呃你十年八年」，即管睇下今次呢注幾時有胡食！」
所謂有圖有真相，夠薑白紙黑字寫到咁盡，如果周公冇九成九的把握，又點會咁張揚？！你估我唔怕畀人秋後算賬、攞番出來鞭屍咩！
果然周公冇點你！昨日華潤燃氣(01193.HK)趁前天減氣價餘威，開市早段再升，突破了周公一早設定的保力加通道頂＄23.1順利沽出，以11月5日$20.5買入計，2周升12.7%，唔計手續費賺＄5200，非常滿意。不要小看12.7%，只要一年做2次就有超過25%收益，你已經叻過股神了！又或者，今年回報到目前為止達12.7%的，又有幾人？
總之，睇大方向有著數，周公冇點你！
周公
２０１５年１１月２０日＠大方向
沒有留言:
張貼留言