俗話講「好的開始，是成功的一半」。不過今年開局不利。2016年首個交易日，A股暴跌並以觸發7%的第二檔熔斷提前收皮，這一跌，A股市值跌咗足足4萬億。恆指陪跌587點或2.68%；國指更瀉3.62%或349點，報9,311點的3星期低位。
內地A股首日啟動熔斷機制馬上「一開即熔」，下午1時33分A股跌7%後停市，簡直是「墨菲法則(Murphy's Law)」最完美大演繹。所謂「墨菲法則」：凡是可能出錯的事，不管這種可能性有幾細，都必定會發生。
睇下啲專家點總結A股暴跌的四大因素：
1. 央行最終放棄兌美元中間價6.5底線定價，導致人民幣離岸價大幅貶值創5年新低，引發資本外逃憂慮，從而導致股市受壓下跌；
2. 萬寶之爭引起監管部門對於保險舉牌資金來源和槓桿的關注，使投資者擔心險資入市資金可能存在回撤的風險；
3. 新鮮熱辣的12月製造業PMI降至48.2，繼續差強人意，預示出經濟繼續面臨較大下行壓力！
4. 解禁大限將至和新實施股市熔斷機制，引起市場避險觀望情緒。
不過在筆者看來，以上全部都係鳩吹。匯率跳水？人民幣自加入SDR以來，離岸價哪天不是大上大落？A股不是照樣風平浪靜嗎？
經濟數據差？去年邊個月的經濟數據好過？製造業PMI已連續十個月低於50的臨界值了，點解要揀今日跌餐勁？
解禁大限將至？大股東要減持？一早都知啦？點解12月31號唔跌，係都要等到今日先來暴跌？
所以，天要落雨，娘要嫁人，要跌啲話總會跌！不過，樂觀啲來睇，股市唔跌落來，你又邊有靚價接貨呢？
總之，低買高沽，低位有錢買，高位有貨沽。2016年，機會常在。
周公
２０１６年１月５日＠大方向
沒有留言:
張貼留言